| 太耐無打過xanga哩樣野啦...
睇返對上一次打xanga...已經係我岩岩19歲生日既事！
原來時間真係過得好快...話咁快就一年啦！
哩一年所發生既野多唔多呢？
um.......多又唔算多！不過...好多事都好深刻！
感覺上好似經過左好多事...亦真真正正成為一個大人。
今年....co1 year 2，要做作品集！
自己就好hea咁成日唔返學，掛住玩同hea.....
hea下hea下，咁就做左個"香港十九大公廁選舉"出黎！
果陣覺得自己哩個topic好正，不過，而家睇返....真係好唔掂！
4月，完左作品集，又繼續hea下hea下咁過....
係北江搵左份好hea既補習老師做....做得幾開心！
Ｄ小朋友真係有時又哄到你好開心，有時又激到你好嬲，嬲到想打佢！
亦都係4月，PC開始上大陸做野！果陣我地個感情真係好到無得再好！
返工頭果一星期，PC日日都黎接我放工...
當佢返左大陸做野，逢星期5放工，佢都會黎接我/我去接佢車，一齊返屋企食飯。
補習老師份工做左2個月之後就無做。
之後hea多半個月左右就畢業......
原本，我無打算做本書仔出黎去見工，因為我覺得我哩D咩都唔識既野人係唔會有人請！
不過....見到阿彬佢去周圍買紙，之後又去平靚印野...攪到我自己都想做埋一份！
(阿彬，你好叻叻呀！你令到一個懶人去做本書仔！)
亦因為我好乖好勤力咁係學校留到好晏咁做本書仔，咁就比connie媽同alice叫我，問我做唔做MC
原本隽地想搵我同PC一齊情侶檔咁做....
不過因為PC要返工既關係...佢地"話"搵個year 1黎同我做拍擋做MC
到左星期一，我返左學校等人同我對MC稿果陣....等左好耐！
我一路以為出現係我面前既係一個year 1........但估唔到..........
出現係我面前既...係一個遲到既KK!!
果陣，我一d都唔認識係我身邊行過既KK...只係知佢叫KK，不過咁耐以黎只係同佢有一句既對話...
就係.....
(果陣KK岩岩轉班去我果班)
KK:(嚴肅地) 同學，你有無面油紙呀？
我:(目無表情地) 無！
就係咁....就成為左我地第一句既對話，我諗...KK都唔會記得！
當我地第一日開始我地既MC採排...我地慢慢就好多野講。
佢亦都同我提過，要小心我男朋友係大陸偷食！
我仲好放心咁答佢話一定唔會有事...因為佢係上面有阿姨果D睇住。
雖然哩段時間我無男朋友陪，不過我差唔多日日都對住KK，阿彬同馮萬青。
到左畢業當日--6月26日，上奏去大會堂set野擺展覽。
當我拎我set野出黎果陣，我真係覺得好樣衰！點見得人...
果日，我有3個紙皮箱，不過之後比左一個阿ray..
但當要set野擺野果陣，又覺得得2個箱好唔掂，放得唔好睇！
set野果陣，KK除左幫athena set下野之外，都黎幫下口同幫下眼睇下D野點擺...
之後，估唔到佢係athena到拎左個紙皮箱比我，仲叫我唔好話返比athena知，因為佢唔夠箱用。
聽完之後，攪到我超唔好意思....
不過最終都係無理，繼續set野，無咩時間！
set完野，就同athena去左佢屋企換衫同化妝...第一次上佢屋企，第一次見到佢媽媽！
感覺好好笑，一入門口，athena就推左我入房....
大家印印汗，傾左陣...就開始換衫化妝啦！
不過換完衫，化埋妝已經好晏，想一齊去set頭都無時間！唯有紮條邊去就算啦！
去到尖沙咀，唔識去holiday inn，唯有打比阿彬問路...
問完阿彬，再打比KK睇下佢到未，諗住見佢出黎接下我...
頂...估唔到個貪靚鬼仲set緊頭！
入到去，見到"友誼樂隊"採排緊......
我就係哩d時間補下妝。
KK到左，大家等左陣，我地就開始上台拎mic講野。
大家講左陣，排左一次，ok無問題！
就同man sir,何生一齊返大會堂睇開幕禮。
搭車經過7仔果陣，我同KK都每人買左個蛋糕仔食，因為我地成日都無食過野，亦預左夜晚會無啖好食！
去到大會堂，個個都影緊相...我就緊係唔執輸，一齊影啦！
影影影影影，影完睇完，大家一齊去holiday inn
去到，見到越來越多人到場
好緊張，好緊張，咁大個女第一次做MC
晚宴期間，PC黎左搵我，接我走.....不過，哩一日亦都係我地分手既導火線
因為我對腳好痛，亂發脾氣，令佢對我反感.....(不過...可能當中亦都有其他問題)
到左7月頭，同PC分左手。
哩次分手，我唔開心左好耐，成日喊，個人瘦晒！
難得地...無左個肚腩仔。
果陣無學返，無工做，無拖拍...真係過得好辛苦。
好彩，有班好朋友陪我傾計，令我無咁難捱...
亦因為咁...我無晒心機去攪個show.....
朋友們一個個打黎問候我...好感動....有時真係講到想喊，同喊左出黎！
最估唔到既係...KK都會打黎慰問我，同講佢既經驗比我知....
果陣我原本係難得地岩岩訓著，不過我一聽佢講果D野，我真係笑左...真係開心
開頭我仲估係athena叫佢打比我，但估唔到係佢自己打比我...
果陣真係覺得好奇怪。諗返起都笑....
之後，學校比左幾間唔同公司我去in...最終有一間成功左，係尖沙咀返工，好開心。
係尖沙咀返工，KK又係尖沙咀返工...佢曾經同我講過叫我放工得閒可以搵下佢
開頭我無諗過會真係搵佢出街...因為........我怕羞，哈哈！
係新公司識左MEKO，之後先發現MEKO係PC之前條女...真係估唔到
公司total有5個design，5個都係CO1，有4個人都識PC
我地返工都成日講PC有幾衰，原來佢真係好衰....
係書展前一星期，返工果陣有個叫Mr.既人add我，問我一唔一齊去書展。
我一路都唔知果個係咩人，所以一路都無應承....
之後先發現，果個Mr.原來係Mr.K，我電話msn顯示唔到個怪K出黎。
到左開書展果個星期6，meko話去書展，攪到我都想去書展...
所以一放左工，就先打比阿彬問佢一唔一齊去書展...之後佢話唔去...
我就諗起個Mr.K...所以就搵左佢一齊去書展！D人果陣仲訓緊教，要我過2個鐘打比佢叫佢起身。
就係因為哩次書展，我地就多左聯絡，亦因為咁...我都慢慢鐘意左佢。
行書展果陣，我講開想去睇大犯罪家， |
| |
| 今日上堂又係hea下又hea下咁就放學...
上堂期間係咁同shiita & athen傾計..
期間athen話星期六有個中學同學meeting....真好
諗諗下...我地5A真係無試過真真正正咁眾過!!
突然好懷念中學既日子......=w= |
| |
| omg.....好耐未試過病到訓唔到啦！
好辛苦................
今日終於頂唔順去左睇醫生啦！
好彩未死得...
人感冒我感冒，點解我感冒到咁既樣？？
今日落街做醫生果陣無論樣同行為都成隻鬼咁..好樣衰＞＜
好彩哩幾日都有ＰＣ照顧我....但係......係佢照顧我,定我照顧佢呢? |
| |
| 尋日，好乖咁返去學校聽講座同去學琴...
點解咁乖？
嘻嘻...........
因為學完琴之後會同米高一齊去銅鑼灣睇HIGH SCHOOL MUSICAL 3 SENIOR YEAR之首影 
好開心，所以學琴時間比平時趕
去到５點半，完結學琴時間，等米高換衫整左！
好彩我提提佢有無帶銀包，如果唔係佢又會唔記得帶嫁啦！哈哈....
搭車前去左買魚蛋＋炸燒賣，估唔到Ｄ炸燒賣都幾好食
去到銅鑼灣.......原來PC仲早過我地到！
一齊去IKEA食野，食完就去MCL JP
有好多人企晒係到............Ｄ小妹妹英文順到好似Ｄ鬼妹仔咁
我都想讀國際學校呀！我讀唔到，我將來既小朋友一定會比佢去讀！
入場..............................
有好多人，我地咁岩坐Ｄ邊邊位，睇銀幕都幾唔舒服下
不過套戲真係好好睇！建議大家去睇下，值得一睇！
不過唔知係咪首影關係，有好多人用紅外線睇下有無人拍攝
但係Ｄ人真係好鬼煩，行黎行去！
我仲認得個４眼仔！行路行得鬼咁慢，遮住晒叫我點睇！
Ｄ小朋友又係咁講野，Ｄ人又時不時覺得正果陣又拍手....咩事呀大佬
你而家睇戲定睇show????
不過都好開心，套野真係好好睇！
（米高比套戲電親，差Ｄ暈左）
只係有Ｄ唔開心,就係..........................唔話比你知
|
| |
